ଯୁଗନାୟକ ବିବେକାନନ୍ଦ

ଯୁଗନାୟକ ବିବେକାନନ୍ଦ

ତପନ ନାୟକ

​କେଉଁ ସୁଦୂରରୁ ଆସିଲ ହେ ଋଷି, ଜାଳି ଜ୍ଞାନର ଦୀପ,
ତୁମରି କଣ୍ଠରେ ପ୍ରତିଧ୍ୱନିତ ହେଲା, ମାନବ ସେବାର ରୂପ।
କୈଶୋରର ସେ ‘ନରେନ୍ଦ୍ର’ ତୁମେ, ବିଶ୍ୱବିଜୟୀ ବୀର,
ଭାରତ ମାତାର ଗୁରୁ ଗୌରବ, ଉନ୍ନତ ତୁମ ଶିର।
​ସେଦିନ ଶିକାଗୋ ସଭାମଞ୍ଚ ତଳେ, ଶୁଭିଲା ତୁମରି ସ୍ୱର,
“ଭାଇ ଓ ଭଉଣୀ” ସମ୍ବୋଧନେ ତୁମେ, ଜିଣିଲ ବିଶ୍ୱପୁର।
ଜାତି-ଧର୍ମ-ଭେଦ ସବୁ ପାଶୋରି ଦେଇ, ଶିଖାଇଲ ଭଲ ପାଇବା,
ଦରିଦ୍ର ନାରାୟଣ ସେବା ମଧ୍ୟରେ ହିଁ, ଈଶ୍ୱରଙ୍କୁ ଖୋଜି ପାଇବା।
​”ଉଠ, ଜାଗ ଏବଂ ଚରୈବେତି”, ମନ୍ତ୍ର ଦେଲ ହେ ଯତି,
ତୁମରି ଆହ୍ୱାନେ ଜାଗ୍ରତ ହେଉ, ଆମ ଯୁବ ଶକ୍ତି।
ଅନ୍ଧକାରରୁ ଆଲୋକ ପଥକୁ, ନେଇଯାଅ ଆମ ପ୍ରାଣ,
ତୁମେ ହିଁ ଅମର, ତୁମେ ହିଁ ଚିରନ୍ତନ, ଯୁଗ-ଯୁଗର ଜ୍ଞାନ।
​କୋଟି କୋଟି ପ୍ରଣାମ ହେ ମହାମାନବ, ତୁମରି ଚରଣ ତଳେ,
ତୁମରି ଆଦର୍ଶ ଜୀବିତ ରହୁ, ଏହି ମାଟିର ପ୍ରତିଟି ଧୂଳିକଣାରେ।