କୁମାର ପୂର୍ଣ୍ଣିମା

🌕 କୁମାର ପୂର୍ଣ୍ଣିମା 🌕

ଲୋକନାଥ ମିଶ୍ର

ପ୍ରଭାତେ ସୂର୍ଯ୍ୟ ଉଇଁଲେ,
ତଉରା ମୂଳେ ନୂଆ ପୋଶାକେ,
ଖଇ, କଦଳୀ, ଜହ୍ନି ଫୁଲେ,
ଅଞ୍ଜୁଳି ଦେଇ ପ୍ରାର୍ଥନା କରେ-

“ହେ ସୂର୍ଯ୍ୟଦେବ, ହେ ଜୀବନଧାରୀ,
ମୋର ମନର କଥାକୁ ପୂରଣ କର” ।

ଦିନ ସାରା ହସର ଖେଳ,
“ପୁଚି”, “ବୋହୁବୋହୁକା” ଅଙ୍ଗଣାରେ,
କନ୍ୟାମାନଙ୍କ ସ୍ୱରରେ ମିଳେ,
ମଲ୍ଲୀ ଜୁଈର ସୁଗନ୍ଧି ଝରେ ।

ସନ୍ଧ୍ୟାବେଳେ ଉଇଁଲା ଜହ୍ନ ,
ଧଳା ଆଲୋକେ ରଜତ ସିହାଂସନ ।
ହାତରେ ଧରି ଚକଟା,
ଖଇ, କଦଳୀ, ଛେନାର ସୁଗନ୍ଧ ।

ଉଦାର ଚନ୍ଦ୍ରଙ୍କୁ କହନ୍ତି ସବୁ—

“ହେ ଜହ୍ନ,
କାର୍ତ୍ତିକେୟ ପରି ଶୂର,
ସୁନ୍ଦର, ସତ୍ୟବାନ ସାଥୀ,
ମୋର ହୃଦୟକୁ ଦିଅ ।

ପ୍ରେମର ଆଲୋକେ
ଜୀବନ ହେଉ
ପୂର୍ଣ୍ଣଚନ୍ଦ୍ର ସମାନ “ ।

ଗାଁରେ ଭରୁଛି ହସର ଧ୍ୱନି,
ଚନ୍ଦ୍ରଲୋକରେ ପବିତ୍ର ସପଥ ।
କୁମାର ପୂର୍ଣ୍ଣିମା ରାତ୍ରିରେ,
କନ୍ୟାମାନଙ୍କ ମନରେ,
ଦେଇଥାଏ ଦିବ୍ୟ, ଅନୁଭୁତି ଅମାପ ।

Celebrating Lakshmi Puja and Gajalaxmi Puja Across Odisha

Lakshmi Puja and the Grandeur of Gajalaxmi Puja in Dhenkanal

The Divine Journey of Lokanath Mishra

“ଶେଷ ରାତିର କଥା”