ଜୟ ସୋମନାଥ

ଜୟ ସୋମନାଥ
ସାରଦା ପ୍ରସାଦ ମିଶ୍ର

ରତ୍ନାକର ତଟ ପବିତ୍ର ବସୁଧା
ପ୍ରଭାସ ପଟନ ନାମ
ଯହିଁ ବିର।ଜଇ ନଭସ୍ପର୍ଶୀ ତୁଙ୍ଗ
ଦେବାଳୟ ଅନୁପମ ।
ଆଦି ଜ୍ୟୋତିର୍ଲିଙ୍ଗ ସୋମନାଥ ନାମେ
ପୂଜିତ ଏହି ମନ୍ଦିରେ
ସେହି ମନ୍ଦିରେ ଆମ ପ୍ରଧାନ ମନ୍ତ୍ରୀ
ଓଁକାର ମନ୍ତ୍ର ଜପିଲେ ।
ଏ ପୂତ ସ୍ଥାନର ପରିଚୟ ଦିଏ
ଆମର ଶାସ୍ତ୍ର ପୁରାଣ
ଦକ୍ଷ ପ୍ରଜାପତି ଜାମାତା ରୂପରେ
ଚନ୍ଦ୍ରଙ୍କୁ କଲେ ବରଣ।
ସତାଇଶ କନ୍ୟା ଚନ୍ଦ୍ରେ ବିଭା ଦେଇ
କହିଲେ ମଧୁର ବାଣୀ
କରିଲି ପ୍ରଦାନ ଏ କନ୍ୟା ମାନଙ୍କୁ
କରିବନି ହୀନିମାନୀ ।
ଚନ୍ଦ୍ର ଦେବତାଙ୍କ ପ୍ରିୟ ପତ୍ନୀ ରୂପେ
ରୋହିଣୀ ପାଇଲେ ସ୍ଥାନ
ଅନ୍ୟ କନ୍ୟା ମାନେ ହତାଦର ହୋଇ
ପିତା ପାଶେ ନିବେଦନ ।
ଶଶ।ଙ୍କଙ୍କୁ ଦକ୍ଷ ବୁଝାଇବା ସତ୍ତ୍ୱେ
ଚନ୍ଦ୍ର କରେ ଅବହେଳା
କ୍ଷୟ ରୋଗାକ୍ରାନ୍ତ ହେବା ପାଇଁ ଚନ୍ଦ୍ରେ
ଦକ୍ଷ ଅଭିଶାପ ଦେଲା ।
ଚନ୍ଦ୍ର ହରାଇଲେ ନିଜ ପୂର୍ବ ଜ୍ୟୋତି
ଘୋଟିଗଲା ଅନ୍ଧକାର
ଔଷଧୀୟ ଗୁଳ୍ମ ଚନ୍ଦ୍ର।ଲୋକ ବିନା
ହରାଇଲେ ଗୁଣ ତାର ।
ବ୍ରହ୍ମା ବାକ୍ୟେ ଚନ୍ଦ୍ର ମୁନି ଗଣ ସଙ୍ଗେ
ସିନ୍ଧୁ ତଟେ ବିଜେ କଲେ
ହିରନ୍ୟ କପିଳା ସରସ୍ଵତୀ ନଦୀ
ତ୍ରିବେଣୀ ସଙ୍ଗମ ସ୍ଥଳେ । ଓଁକାର ମନ୍ତ୍ର ଜପି ଆରାଧନା କଲେ
ଦେବ ଦେବ ମହାଦେବ
ଷଡ଼ ମାସ ପରେ ଶଶାଙ୍କ ସମ୍ମୁଖେ
ଶିବ ହେଲେ ଆବିର୍ଭାବ ।
ହର ଦେଲେ ବର ପନ୍ଦର ଦିବସ
ଚନ୍ଦ୍ର ହରାଇବେ ଜ୍ୟୋତି
ତାପର ପକ୍ଷ ରେ ତାଙ୍କ ଦେହେ କ୍ରମେ
ବିକଶିଵ ପୂର୍ବ କାନ୍ତି ।
ଜ୍ୟୋତି ଫେରିବାରୁ ସ୍ଥାନଟିର ନାମ
ସେବେଠୁ ହେଲା ପ୍ରଭାସ
ସୋମନାଥ ନାମେ ଆଦି ଜ୍ୟୋତିର୍ଲିଙ୍ଗ
ମହିମା କଲେ ପ୍ରକାଶ ।
ହୈହୟ ରାଜନ କ।ର୍ତ୍ୟବୀର୍ଯ୍ୟ ହସ୍ତେ
ଜମଦଗ୍ନୀଙ୍କ ନିଧନ
ହେବାରୁ ଶୋକରେ ଜର୍ଜରିତ ହୋଇ
ତାଙ୍କ ପୁତ୍ର ପର୍ଶୁରାମ ।
ଏ ପାବନ କ୍ଷେତ୍ରେ ମହେଶଙ୍କୁ ପୂଜି
ଲାଭ କରିଲେ ଦିବ୍ୟ।ସ୍ତ୍ର
ସସ୍ରାର୍ଜୁନ ସହ କ୍ଷତ୍ରୀୟ ମାନଙ୍କୁ
ଯୁଦ୍ଧେ କରିଲେ ନିପାତ।
ଦ୍ୱାପରରେ ଭଗବାନ କୃଷ୍ଣ ଏଠି
କରିଥିଲେ ମହାଯଜ୍ଞ
ନିଜ ବଂଶ ନାଶି ଲୀଳା ଖେଳା ସାରି
କରିଲେ ଶରୀର ତ୍ୟାଗ ।
ଯ।ଜ୍ଞବଲକ୍ୟ ଋଷି ସବିତା ସଂତୋଷିି
ପ୍ରାପ୍ତ ଶୁକ୍ଳ ଯଜୁର୍ବେଦ
ବୈଷେଶିକ ସୂତ୍ର ସଙ୍ଗେ ଆଣବିକ
ତଥ୍ୟ ପ୍ରକାଶେ ଏଠି କଣ।ଦ।
ଯୁଗ ଯୁଗ ଧରି ଏ ମହା ମନ୍ଦିରେ
ପୂଜା ପାଆନ୍ତି ପଶୁପତି
ସାରା ବ୍ରହ୍ମାଣ୍ଡରେ ପ୍ରଚାରିତ ଥିଲା
ଏହି ମନ୍ଦିରର ଖ୍ୟାତି ।
ସହସ୍ର ବରଷ ତଳେ ଗଜନୀରେ
ମାମୁଦ ଥିଲେ ସୁଲତାନ
ସୋମନାଥ ମନ୍ଦିର ଧନ କଥା ଶୁଣି
କରିଥିଲା ଆକ୍ରମଣ ।
ହଜାର ଛବିଶ ସାଲ ଜାନୁଆରୀ
ମାସ ଆଦ୍ୟ ସପ୍ତାହରେ
ମନ୍ଦିର ଲୁଣ୍ଠନ କରି ଧନ ରତ୍ନ
ବୋହିନେଲା ଓଟ ପରେ ।
ଦୁଇ ହଜାର ଛବିଶ୍ ମସିହାର
ଏହି ଜାନୁଆରି ମାସ
ମନ୍ଦିର ଆକ୍ରମଣକୁ ପୁରିଛି
ଏକ ସହସ୍ର ବରଷ ।
ଆଜି ଦେଶବାସୀ ଙ୍କୁ ଏହିଁକଥା
କରାଇ ବାକୁ ସ୍ମରଣ
‘ସୋମନାଥ ସ୍ୱାଭିମାନ ପର୍ବ ସେଠି
କରା ଯାଉଛି ପାଳନ ।
ମହାଦେବ ନାମ ଶ୍ରଦ୍ଧାଳୁଙ୍କ ମୁଖେ
ଉଚେ ହୁଏ ଉଚ୍ଚ।ରିତ
ସାରା ଭାରତରୁ ଜନତା ପହଞ୍ଚି
ଡାକେ ଜୟ ସୋମନାଥ ।

ଯୁଗନାୟକ ବିବେକାନନ୍ଦ

ପ୍ରଦୁଷିତ ବାୟୁ