ମା ଆସୁଛନ୍ତି

ମା ଆସୁଛନ୍ତି

ସାରଦା ପ୍ରସାଦ ମିଶ୍ର

ପଲ୍ଲୀଠୁ ସହର ହେଉଛି ଚଞ୍ଚଳ
ବିଜେ ହେବେ ଆସି ମାଆ
ଝର ଝର ବାରି ପଡୁଛି ଗଗନୁ
ବହୁଛି ଶୀତଳ ବାଆ ।
ମଣ୍ଡପ ତୋରଣ ହେଉଅଛି ସଜା
ଶିଳ୍ପୀ ତୁଳୀକ। ଚଞ୍ଚଳ
ଅନ୍ତିମ ପ୍ରଲେପ ମୁରତିରେ ଦିଏ
ନାହିଁ ତାରେ ଅବସର ।
ବଜାର ବିପଣି କୋଳାହଳ ପୂର୍ଣ୍ଣ
ନିଜ ମନ ପସନ୍ଦର
ବସ୍ତ୍ର ଅଳଙ୍କାର ସୌଖିନ ସାମଗ୍ରୀ
କ୍ରୟ କରେ ନାରୀ ନର ।
ଦୂର ସହରରୁ ମନ ଆନନ୍ଦରେ
ଦଶହରା ପୂଜା ପାଇଁ
ନିଜ ଗୃହ ମୁଖେ ଫେରୁଛନ୍ତି ଥୋକେ
ଦେଖିବେ ଜନମ ଭୂଇଁ ।
ମଉସୁମୀ କିନ୍ତୁ ଯାଇ ନାହିଁ ଫେରି
ହେଉଅଛି ବିଳମ୍ବିତ
ଜନ ସମାଗମ ହୋଇବ ବ୍ୟାହତ
ହେଲେ ସଦା ବାରିପ।ତ ।
ଅବିରାମ ବାରି ପାତେ ଗ୍ରାମ ଶିରୀ
ହେଉଅଛି ବିପର୍ଯ୍ୟସ୍ତ
ବିହଗ ସକଳ ଗ୍ରାମ୍ୟ ପଶୁକୁଳ
ଖାଦ୍ୟ ପାଇଁ ବିଚଳିତ ।
କୂଳ ଲଙ୍ଘି ନଦୀ ଧାଏଁ ଗର୍ଜି ଗର୍ଜ୍ଜି
ବହୁଅଛି ବନ୍ୟାଜଳ
ଶରତର ସ୍ୱଚ୍ଛ ନୀରା କଲ୍ଲୋଳିନୀ
ଅଙ୍ଗ ଫେନିଳ ଆବିଳ ।
ମହିଷାମର୍ଦ୍ଦିନୀ ଦେବୀ କାତ୍ୟାୟନୀ
ଆସିବେ ନୌକା ବ।ହାନେ
ଗ୍ର।ମଠୁ ସହର ଘର ରୁ ବଜାର
କଥା ଘୁରେ କନେ କାନେ।
ଦେଵୀ ମହାମାୟା କରିଲେ ସୁଦୟ।
ହେବ ପାଗ ଅନୁକୂଳ
କୋଳାହଳ ଏବଂ ଆନନ୍ଦ ଉଲ୍ଲାସେ
ହୋଇ ଉଠିବ ମୁଖର ।

ଗ୍ରହଣର ଅଟ୍ଟହାସ

ଭଙ୍ଗା ପଥୁରି